Հայաստանի Հանրապետութեան վարչապետ Նիկոլ Փաշինեան յայտարարած է, թէ Հայաստան սառեցուցած է իր մասնակցութիւնը Ռուսական Դաշնութեան հովանաւորութիւնը վայելող ՀԱՊԿ կազմակերպութեան մէջ, այս վերջինիս ժխտական դերին պատճառով ատրպէյճանական ոտնձգութիւններուն ընթացքին:
Ռուսական Դաշնութեան արտաքին գործերու նախարար Սերկէյ Լաւրով բացատրութիւն պահանջած է այս յայտարարութեան մասին, նկատի առնելով որ Հայաստանի Հանրապետութիւնը կը մնայ լիիրաւ անդամ ՀԱՊԿ-ին: Լաւրով անընդունելի գտած է վարչապետ Փաշինեանի ամբաստանութիւնները ՀԱՊԿ-ին ուղղուած:
Ըստ Լաւրովի, ՀԱՊԿ-ի եւ Հայաստանի միջեւ բոլոր տարակարծութիւնները պէտք է լուծուին երկխօսութեամբ, Հայաստանի ժողովուրդին շահը նկատի առնելով:
