Միացեալ ազգերու կազմակերպութեան անդամ պաղեստինցի գաղթականներու հարցով զբաղող ԻՒՆՐՈՒԱ կազմակերպութեան տնօրէն Ֆիլիփ Լազարինի նամակ յղեց Մ.Ա.Կ.-ի Ընդհանուր ժողովի նախագահին, ազդարարելով թէ մօտ օրէն կարգ մը երկիրներու օժանդակութեան դադրեցումին պատճառով կազմակերպութիւնը պիտի հասնի փլուզումի աստիճանին: Կազմակերպութիւնը անկարող պիտի ըլլայ օժանդակելու պաղեստինցի գաղթականներուն: Կազմակերպութեան մէջ կ’աշխատին 30 հազար պաշտօնեաներ, եւ Իսրայէլի ամբաստանութիւնները որպէս պատրուակ գործածուեցան կազմակերպութեան վարկին վնասելու եւ օժանդակութիւնը նուազեցնելու համար:
