Ֆրանսայի պաշտպանութեան նախարար Սեպասթիան Լեքորնիուն Հայաստան կը ժամանէ պաշտպանութեան ոլորտի շարք մը առաջատար ընկերութիւններու ներկայացուցիչներու հետ։
Կը նշուի, որ Հայաստան կը ժամանեն MBDA, Nexter, Safran, Thales, Arquus եւ Lecornu ընկերութեան ներկայացուցիչները։
MBDA-ը հրթիռներ մշակող եւ արտադրող ընկերութիւն է։ Հրթիռներ եւ հրթիռային համակարգեր կը մատակարարէ զինուած ուժերու իւրաքանչիւր տեսակի համար (օդային, ծովային, ցամաքային): Կ՛արտադրէ 48 տիպի հրթիռ, եւս 15-ը մշակման փուլին մէջ է (AIM-132, Meteor, MICA, Aspide, Apache, Exocet եւ այլն)։
Ֆրանսական Nexter Systems ընկերութիւնը մասնագիտացած է զրահատեխնիկայի, հրետանային համակարգերու, զինամթերքի եւ յարակից սարքաւորումներու նախագծման, մշակման եւ արտադրութեան մէջ: Nexter Systems կ՛արտադրէ զրահասայլեր, զրահատեխնիկայ, հրետանային համակարգեր, հեռահար մարտական կայաններ, զենիթային համալիրներ եւ հակատանկային կառավարուող հրթիռներ։
Safran ընկերութիւնը հիմնականին մէջ կը գործէ օդատիեզերական, պաշտպանութեան եւ անվտանգութեան ոլորտներուն մէջ: Safran-ը կ՛արտադրէ օդագնացութեան շարժիչներ եւ սարքաւորումներ, տեսողական-ելեկտրոնային համակարգեր, նաւարկութեան եւ հսկողութեան համակարգեր։
Thales ընկերութիւնը կը գործէ հիմնականին մէջ օդատիեզերական, պաշտպանութեան, անվտանգութեան եւ փոխադրութեան ոլորտներու մէջ: Thales-ը կ՛արտադրէ օդատիեզերական համակարգեր, ռատարներ, ելեկտրոնային մարտական համակարգեր, հակահրթիռային պաշտպանութեան համակարգեր։ Ընկերութիւնը նաեւ կ՛առաջարկէ լուծումներ կիպեռանտվնագութեան ոլորտին մէջ։
Arquus ընկերութիւնը մասնագիտացած է անուաւոր եւ թրթուրաւոր ռազմական տեխնիկայի նախագծման, մշակման եւ արտադրութեան, ինչպէս նաեւ յարակից ծառայութիւններու մէջ: Arquus-ը կը նախագծէ եւ կ՛արտադրէ շարք մը զրահապատ փոխադրամիջոցներ, ներառեալ հետեւակային մարտական մեքենաներ, զրահափոխադրիչներ, հետախուզական մեքենաներ եւ ընդհանուր նշանակութեան զրահապատ փոխադրամիջոցներ:
Աւելի վաղ յայտնի դարձած էր, որ Ֆրանսան 22 Փետրուարին Հայաստան պիտի առաքէ պաշտպանական սպառազինութեան խմբաքանակ։ Սպառազինութիւնը կը ներառէ Thales ընկերութեան Ground Master (GM 200) երեք ռատար, որոնք հնարաւորութիւն պիտի տան 250 քիլոմեթր հեռաւորութեան վրայ յայտնաբերել հակառակորդի ինքնաթիռները, ինչպէս նաեւ գիշերային տեսողութեան սարքեր, հեռադիտակներ։
