Երեսփոխան Ապտըլռահամ Ալ Պըզրի դատապարտեց իսրայէլեան յարձակումը հարաւային Լիբանանի Ղազիէ շրջանին վրայ ու զայն նկատեց մեծ մագլցում: Նախապէս Իսրայէլ յարձակած էր Նապաթիէի ու Ժատրայի վրայ: Ան լիբանանեան կառավարութեան կոչ ուղղեց բողոքագիր ներկայացնելու Միացեալ ազգերու կազմակերպութեան Ապահովութեան խորհուրդին պաշտպանելու համար քաղաքացիներուն կեանքը եւ ինչքը:
Իսրայէլ հաստատած էր Ղազիէի վրայ կատարած իր յարձակումը՝ պատճառաբանելով որ ռմբակոծած է Հըզպալլային պատկանող զէնքի պահեստանոց մը:
Իր կողմէ, Հըզպալլա յայտարարեց, թէ թիրախ դարձուցած է Շըպաայի ագարակներուն մէջ գտնուող «Ռամսա» եւ «Ալ Սամմաքա» իսրայէլեան դիրքերը: Հըզպալլա նաեւ ռմբակոծեց «Պըրքաթ Ալ Ռիշա» իսրայէլեան դիրքը:
