Վարչապետ Նիկոլ Փաշինեանը Հայաստանի պետական շահը կը համարէ տնտեսական զարգացումն ու ընդհանրապէս զարգացումը:
Փաշինեան նման տեսակէտ յայտնած է Հայաստանի Հանրային ռատիոյի ՙԱնվտանգային միջավայր՚ հաղորդման տուած հարցազրոյցին ընթացքին:
ՙԵս եկած եմ այն համոզման, որ Հայաստանի պետական շահը Հայաստանի տնտեսական զարգացումն է եւ ընդհանրապէսª զարգացումը, որովհետեւ այն, ինչ մենք կը խօսինքª բանակ, կրթութիւն, սահմաններու անվտանգութիւն, յստակ պիւտճէական ծախս է՚, ըսած է Փաշինեան:
Խօսելով անվտանգութեան բաղադրիչի մասինª վարչապետը ընդգծած է, որ տնտեսութիւնը նաեւ պատերազմական իրավիճակի մէջ շատ կարեւոր է: ՙԱռաջնագիծ ո՞վ պիտի հասնելի կամ թիկունքին մարդիկ պիտի աշխատի՞ն, թ՞է չէ: Ենթակառուցուածքները կը խոցուին, դուն պիտի կարենաս մարդոց, թիկունքի բնականոն գործունէութիւնը շատ թէ քիչ ապահովել, ինքը ճակատի համար պէտք է արտադրէ որոշ բաներ, սկսած հագուստէն, վերջացած առողջապահութիւն, դեղեր, սնունդ եւ այլն: Բայց այսօրուան իրավիճակին մէջ տնտեսական զարգացումն է Հայաստանի շահը, որովհետեւ տնտեսական զարգացմամբ է, որ դուն կ՛ունենաս ենթակառուցուածքներ եւ պիւտճէական միջոցներ՚, նշաէ Փաշինեան:
Խօսելով կառավարութեան կողմէ զինուորականներու աշխատավարձերու բարձրացման մասինª ան ընդգծեց, որ եթէ պետական պիւտճէին մէջ եկամուտ չկայª չես կրնար զինուորականին եւ ոեւէ մէկուն աշխատավարձը բարձրացնել, չես կրնար զէնք, զինամթերք ձեռք բերել, չես կրնար կրթութիւնը ֆինանսաւորել, որպէսզի զինուորականը, սպան պատշաճ կրթութիւն ունենան:
