Հայաստանի Հանրապետութեան գլխավոր դատախազ Աննա Վարդապետեանը ընդունած է Հայաստանի մէջ Շուէտի Թագաւորութեան արտակարգ եւ լիազօր դեսպան Փաթրիք Սվենսոնի գլխաւորած պատուիրակութիւնը:
Աննա Վարդապետեանը կարեւորած է նման ձեւաչափով աշխատանքային հանդիպումները, որոնք կը նպաստեն երկու երկիրներու դատախազութիւններու համագործակցութեան ամրապնդման ու կարեւոր հարցերու լուծման:
Գլխաւոր դատախազը դեսպանին ներկայացուցած է Դատախազութեան առաջնահերթ ուղղութիւններըª առանձնացնելով ապօրինի հարստացման, փողերու լուացման, փտածութեան եւ կիպերյանցագործութիւններու դէմ պայքարը, պետական շահերու պաշտպանութիւնը, ապօրինի ծագում ունեցող գոյքի բռնագանձման ՙերիտասարդ՚ հիմնարկի կատարելագործումը, հանքարդիւնաբերութեան ոլորտին մէջ չարաշահումներու դէմ պայքարը եւ այլն:
Դեսպանը Շուէտի Թագաւորութեան աջակցութիւնը յայտնած է Գլխաւոր դատախազութեանª վերոնշեալ ուղղութիւններով իրականացուող աշխատանքներուն եւ հետաքրքրուած է ազդարարման համակարգին նկատմամբ քաղաքացիներուն եւ առեւտուրին վստահութիւնը բարձրացնելուն ուղղուած գործողութիւններովª յաւելելով, որ շուէտական դրամագլուխով ընկերութիւնները հետաքրքրուած են Հայաստանի մէջ ներդրումներ կատարելու եւ առեւտրային գործունէութիւն ծաւալելու հեռանկարով: Աննա Վարդապետեանը, հարթակի գործունէութեան վերաբերեալ տեղեկութիւն տրամադրելով դեսպանին, ընդգծած է, որ ազնիւ առեւտուրը պաշտպանելը Գլխաւոր դատախազութեան առաջնահերթութիւններէն է:
Հանդիպման ընթացքին անդրադարձ կատարուած է կրթական եւ գիտարուեստական աջակցութեան ոլորտին մէջ համագործակցութեան հեռանկարներուն:
