Հայաստանի Ներքին գործերու նախարարութեան ոստիկանութեան պետ-ներքին գործերու նախարարի տեղակալ, ոստիկանութեան զօրավար-մայոր Արամ Յովհաննիսեանը հանդիպում ունեցած է Եւրոփոլի գործադիր տնօրէն Քեթրին տը Պոլի հետ£
Հանդիպման ընթացքին քննարկուած են ՀՀ Ներքին գործերու նախարարութեան ոստիկանութեան եւ Եւրոփոլի միջեւ ստորագրուած աշխատանքային համաձայնագրի դրոյթներու իրականացման, Եւրոփոլի SIENA համակարգին միանալու եւ ընդհանուր հետաքրքրութիւն ներկայացնող այլ հարցեր£
ՀՀ պատուիրակութիւնը հանդիպում ունեցած է նաեւ CEPOL-ի (Եւրոպական Միութեան իրաւապահ մարմիններու ուսուցման գործակալութիւն) գործադիր տնօրէն Մոնթսերաթ Մարին Լոփեսի հետ£ Առարկայական քննարկումներ եղած են ՀՀ ՆԳՆ ոստիկանութեան եւ ՀՀ ՆԳՆ կրթահամալիրի կարիքներուն վերաբերեալ£ Մարին Լոփեսը պատրաստակամութիւն յայտնած է աջակցելու ներկայացուած խնդիրներու լուծման£
Երկկողմ հանդիպում տեղի ունեցած է նաեւ ՀՀ պատուիրակութեան եւ Կիպրոսի փոխոստիկանապետին միջեւ£ Քննարկուած է ՀՀ ՆԳՆ կրթահամալիրի եւ Կիպրոսի ոստիկանական ակադեմիային միջեւ համագործակցութեան պայմանագիր կնքելու հնարաւորութիւնը£
Մոլտովայի Հանրապետութեան Ներքին գործերու նախարարութեան Սթեֆան չել Մարէ ակադեմիայի տնօրէնին հետ հանդիպման ընթացքին որոշուած է վերանայիլ գործող պայմանագիրը` համագործակցութեան նոր ուղիներ ու ձեւեր հաստատելու նպատակով£
