Ռուսաստանը կը կիսէ Եւրասիական տնտեսական միութեան մէջ (ԵԱՏՄ) իր նախագահութեան տարուան համար Հայաստանի հռչակած առաջնահերթութիւնները եւ պատրաստ է աջակցելու անոնց իրականացման հարցին մէջ£
ԵԱՏՄ Միջկառավարական խորհուրդի նիստին ընթացքին այս մասին յայտնած է Ռուսիոյ վարչապետ Միխայիլ Միշուսթինը£
ՙՅունուարէն Միութեան մարմիններուն մէջ նախագահութեան գործառոյթները անցած են Հայաստանին£ Յաջողութիւն կը մաղթեմ իմ հայ գործընկերներուն£ Մենք ուշադիր ուսումնասիրած ենք վարչապետ Նիկոլ Փաշինեանի առաջարկած համարկման հետագայ զարգացման առաջնահերթութիւնները£ Անոնք մեծապէս կը համընկնին ռուսական կողմի դիրքորոշման հետ£ Մենք պատրաստ ենք լիարժէք աջակցութիւն ցուցաբերելու անոնց իրականացման համար՚, ըսած է Միշուսթին£
2024 թուականի Յունուար 1-էն Հայաստանը ստանձնած է Եւրասիական տնտեսական միութեան մարմիններու նախագահութիւնը եւ մէկ տարի պիտի նախագահէ Եւրասիական բարձրագոյն տնտեսական խորհուրդը, Եւրասիական միջկառավարական խորհուրդը եւ Եւրասիական տնտեսական յանձնաժողովի խորհուրդը£
Հայաստանի վարչապետ Նիկոլ Փաշինեան նախագահած է ԵԱՏՄ երկիրներու վարչապետներու նիստըª շեշտելով ԵԱՏՄ-ի մէջ ընդհանուր ուժանիւթային շուկայ ձեւաւորելու կարեւորութիւնը եւ գործընկերներուն կոչ ընելով այդ հարցին մէջ փոխզիջումային պայմանաւորուածութիւններու հասնելու£
