Հակառակ Կազայի մէջ նոր ու երկարատեւ զինադադար մը յայտարարելու հարցով բանակցութիւններու բազմացումի լուրերուն, գետնի վրայ ցարդ չկան ռազմական գործողութիւնները դադրեցնելու նախադրեալներ, բացի ամերիկեան ենթադրեալ լաւատեսութենէ, որուն անդրադարձան ամերիկեան լրատուամիջոցները: ՙՆիւ Եորք Թայմզ՚ը հաղորդեց, որ ամերիկացի բանագնացներ արդէն մշակած են Իսրայէլի եւ Համասի պահանջները նկատի առնող համաձայնութեան մը սեւագիրը: Այդ կը ներառէ Կազայի մէջ գերեվարուած իսրայէլացիներու ազատ արձակում եւ զինադադարի յայտարարութիւն: Ըստ հաղորդումին, նշեալ սեւագիրը պիտի արծարծուի Փարիզի ժողովներուն ընթացքին եւ գուցէ արդիւնաւորուի յառաջիկայ երկու շաբաթներուն, թէեւ կան շարք մը տարակարծութիւններ:
Իսրայէլի վարչապետ Պեմիամին Նեթանիահու, իր կարգին, յանձնառութիւն յայտնեց ռազմական բոլոր ծրագրերու գործադրութեանª ներառեալ Համասի կործանումը եւ բոլոր գերիներու ազարձակումը: Ըստ Նեթանիահուի, իրենց ամբողջական յաղթանակը այլըտնրանք չունի եւ գործողութիւնները պիտի շարունակեն մինչեւ նպատակներու իրականացում, նոյնիսկ եթէ անհրաժեշտ ըլլայ երկարատեւ ջանքերու:
