Լիբանանի հարաւային շրջաններու բնակչութեան վիճակը երէկ եւս լարուած էրª իսրայէլեան օդային եւ հրետանային շարունակական ռմբակոծութեան լոյսին տակ, որ թիրախ դարձուց մասնաւորաբար արեւելեան հատուածի Հուլա եւ Մարքապա գիւղերը, կեդրոնական Մարուն էլ-Ռասը, Մարուահինը եւ Այթա Շաապը, ինչպէս նաեւ արեւմտեան հատուածի Լապպունէի անտառային գօտին:
Իսրայէլեան բանակի բանբեր Աւիխայ Ատրահի յայտնեց, որ բանակը կ’ամրապնդէ իր ներկայութիւնը Լիբանանի սահմանին վրայ եւ անցնող օրերուն կատարած է լայնածաւալ զինավարժութիւններª ստուգելու համար զինուորներուն զինուորներուն պատերազմի պատրաստուածութիւնը: Ըստ Ատրահիի, զինավարժութիւնը ներառած է մասնաւորաբար պահեստային ուժերըª կեդրոնանալով ձմռան եղանակին բնակեցուած շրջաններու մէջ գործողութիւններու իրականացումի մարտավարութեան վրայ:
Լիբանանի Արտաքին գործերու նախարարութիւնը ողջունեց Միջազգային արդարադատութեան դատարանին որոշումըª ժամանակաւոր միջոցներ սահմանելու Իսրայէլի նկատմամբª Կազայի մէջ ցեղասպանութիւն գործելու խնդրով Հարաւային Ափրիկէի ներկայացուցած հայցը ուսումնասիող նիստին աւարտին: ՙՄենք սակայն կ’ակնկալէինք, որ դատարանը Իսրայէլէն պահանջէր իսկոյն զինադադար յայտարարել Կազայի մէջ՚, նշեց նախարարութիւնը:
