ՆԱԹՕ-ի գլխաւոր քարտուղար Ենս Սթոլթենպերկ յայտնած է հրետանային զինամթերքի արտադրութեան մէջ 1,2 միլիառ տոլարի նոր մեծածաւալ ներդրումներու մասին£ Այս մասին ան ըսած է Պրիւքսէլի մէջ դաշինքի կեդրոնակայանին մէջ կայացած ճեպազրոյցի ընթացքին£
ՙՄենք նոր ստորագրեցինք աւելի քան 1,2 միլիառ տոլարի պայմանագրեր 155 մմ տրամաչափի հարիւր հազարաւոր զինամթերք ձեռք բերելու համար՚, ըսած է Սթոլթենպերկ£
ՆԱԹՕ-ի գլխաւոր քարտուղարը յաւելած է, որ նման ներդրումները թոյլ պիտի տան նաեւ շարունակել դաշինքի երկիրներուն կողմէ Ուքրանիոյ աջակցութիւնը£
ՙՈւքրանիոյ մէջ պատերազմը վերածուած է զինամթերքի համար ճակատամարտի. կարեւոր է, որ դաշնակիցները կարենան համալրել իրենց պաշարներըª շարունակելով աջակցիլ Ուքրանիոյ՚, նշած է ան£
Ռուսաստանը, աւելի վաղ, ՆԱԹՕ-ի երկիրները նախազգուշացուցած էր զէնք չմատակարարել Ուքրանիոյª նշելով, որ զէնք պարունակող որեւէ բեռ թիրախ պիտի դառնայ Մոսկուայի համար£
