Տարուան սկիզբէն Հայաստանի Հանրապետութիւնը կառուցողականորէն եւ բարեխիղճ կերպով ներգրաւուած եղած է Ատրպէյճանի Հանրապետութեան հետ բանակցութիւններուն մէջ, որոնք ուղղուած եղած են յարաբերութիւններու կարգաւորման£ Մամուլի ասուլիսի ժամանակ այս մասին ըսաւ արտաքին գործերու նախարար Արարատ Միրզոյեանըª ամփոփելով հայ-ատրպէյճանական կարգաւորման գործընթացը£
Անոր խօսքովª այդ ամէնը կը վերաբերի ընդհանուր խաղաղութեան գործընթացին, բայց նաեւ խաղաղութեան պայմանագրի կնքման, սահմանազատման գործընթացի մեկնարկին, նաեւ տարածաշրջանին ճանապարհային եւ տնտեսական ենթակառուցուածքներու ապաշրջափակման եւ վերագործարկման£
Արտաքին գործերու նախարարին խօսքովª հայկական կողմին համար պիտի շարունակեն առանցքային մնալ շարք մը սկզբունքներ£
ՙՆախեւառաջ, Հայաստանը եւ Ատրպէյճանը պէտք է ճանչնան միմեանց տարածքային ամբողջականութիւնը առանց երկիմաստութիւններու եւ առանց տարընթերցման տեղ թողող ձեւակերպումներու£
Միւսըª երկու երկիրներու միջեւ սահմանը պէտք է սահմանազատուի Խորհրդային միութեան իրաւասու մարմիններու կողմէ իրենց լիազօրութիւններու շրջանակներուն մէջ կազմուած, ամուր իրաւական հիմքեր ունեցող պաշտօնական քարտէզներու հիման վրայ£ Գիտէք, որ մշտապէս խօսած ենք 1974-1978 թուականներու քարտէզներու մասինª որպէս իմ նշած սկզբունքները արտացոլող ամենաթարմ քարտէզներ£ Հետաքրքրական է, որ առաջարկ եղած է օգտագործել 1974-1990 թուականներու քարտէզներ, այդ առաջարկը եղած է ատրպէյճանական կողմինը£ Որոշակի ուսումնասիրութենէ յետոյ ենթադրած ենք, որ կրնայ կիրառելի ըլլալ այս ձեւակերպումը, բայց առաջ անցնելով նշեմ, որ, օրինակ, Ատրպէյճանի նախագահին վերջին հարցազրոյցին մէջ նոյնիսկ ատրպէյճանական առաջարկէն որոշակի յետընթաց կ՛ենթադրուի£
Հայաստանի համար սահմանազատման գործընթացին մէջ առաւելագոյն յստակութիւնը եւ իրաւական առումով անխոցելիութիւնը առանցքային են՚, ըսաւ Միրզոյեան£
