Կ՛ԸՍԷ ՎԱՀԱՆ ՔԵՐՈԲԵԱՆ
Հայաստանի Հանրապետութեան տնտեսութեան նախարար Վահան Քերոբեան եւ նախարարի տեղակալ Արման Խոջոյեան Պերլինի մէջ մասնակցած են Պարէնի եւ գիւղատնտեսութեան միջազգային համաժողովին (GFFA)£
Համաժողովին մասնակցած են 61 երկիրներու գիւղատնտեսութեան նախարարներ եւ 12 միջազգային կազմակերպութիւններու բարձրաստիճան պաշտօնեաներ:
ՙՄենք խորապէս մտահոգուած ենք Եւրոպայի եւ Մերձաւոր Արեւելքի մէջ զարգացող պարէնային անվտանգութեան ճգնաժամով եւ խստօրէն կը դատապարտենք պարէնային անվտանգութեան օգտագործումը որպէս քաղաքական նպատակներուն հասնելու միջոց£ Ես կը հաւատամ, որ միասին մենք կրնանք ստեղծել աւելի բարեկեցիկ ապագայª նախաձեռնելով փոփոխութիւններ, որոնք պիտի արագացնեն տնտեսական աճը եւ խոր ազդեցութիւն պիտի ունենան ընկերային բարեկեցութեան վրայ ինչպէս ազգային, այնպէս ալ համաշխարհային մակարդակով՚, նշած է Վահան Քերոբեան£
Տնտեսութեան նախարարութեան տարածած հաղորդագրութեան մէջ կը նշուի, որ համաժողովի շրջանակներուն մէջ տեղի ունեցած է նաեւ գիւղատնտեսութեան նախարարներու 16-րդ համաժողովը, որու աւարտին ընդունուած է համատեղ յայտարարութիւն:
Այցի ընթացքին Վահան Քերոբեան հանդիպումներ ունեցած է նաեւ Իտալիոյ, Պոթսուանայի եւ Պրազիլի նախարարներուն հետ£
