Իսրայէլի բանակի սպայակոյտի պետ Հերցի Հալիվի յայտարարեց, թէ պատերազմը երկար պիտի տեւէ եւ իրենք պէտք պիտի ունենան պահեստային ուժերուն:
Ակնարկելով պայթած շէնքերուն մէջ 24 սպաներու եւ զինուորներու սպանութեան, ան յայտարարեց, թէ պիտի շարունակեն պայքարը Իսրայէլի ապահովութեան համար: Ան աւելցուց, որ քննութիւն պիտի բացուի այս յարձակումին ծալքերը յստակացնելու համար:
ՙԱլ Քասսամ՚ գումարտակը բացայայտեց այդ երկու շէնքերու յարձակումին մանրամասնութիւնները: ՙՄաղազի՚ գաղթակայանին արեւելեան կողմը գումարտակէն հակահետեւակային միաւոր մը հրթիռով հարուածեց շէնքերը ու նկատի առնելով որ իսրայէլացի զինուորները իրենց վրայ կը կրէին պայթուցիկ նիւթեր, շէնքերը փուլ եկան:
Իսրայէլեան ՙՔալքալիսթ՚ կայքէջին համաձայն, կը սպասուի որ երկրի Պաշտպանութեան նախարարութեան ներկայացուի 20 հազար հաշմանդամութեան պահանջք:
