Երէկ իսրայէլեան օդուժը ռմբակոծեց Ռումին եւ Հումին գիւղերու մերձակայ շրջանները: Նաեւ ռմբակոծեց բնակարան մը Ժմեյժմէ գիւղին մէջ:
Իսրայէլի վարչապետ Պենիամին Նեթանիահու յայտարարեց, թէ Կազայի մէջ պատերազմին երրորդ փուլը պիտի տեւէ մօտ վեց ամիս: Ցարդ իսրայէլեան բանակը չկրցաւ հասնիլ իր առջեւ դրած նպատակներուն, որոնց առաջինն էր կործանել ՙՀամաս՚ շարժումը եւ վերադարձնել իսրայէլացի գերիները որոնք կը մնան ՙՀամաս՚ի մօտ:
Ըստ իսրայէլեան ՙՀաարէց՚ օրաթերթին, վարչապետ Նեթանիահու սկսած է կորսնցնել տիրապետութիւնը իր սուտին վրայ: Ճնշումի տակ կը պատահի իր սուտ խօսիլը: Գերիներու ընտանիքները մէկ կողմէն եւ ԱՄՆ-ի վարչակազմը միւս կողմէն կը ճնշեն վարչապետին վրայ:
