Հայաստանի արտաքին գործերու նախարար Արարատ Միրզոյեան յայտարարեց, թէ Հայաստանի Հանրապետութիւնը նոր դաշնակիցներ կը փնտռէ: Լրագրողներու հետ ունեցած իր ասուլիսի ընթացքին ան յայտարարեց, թէ ամէն մտածող հասարակութիւն պէտք է դաշնակիցներ փնտռէ:
Ըստ Միրզոյեանի, այս պահանջը սկսաւ մանաւանդ 2020 թուականի պատերազմի ժամանակ եւ անկէ ետք, երբ Հայաստանի դաշնակիցները պէտք եղած օժանդակութիւնը չտրամադրեցին երկրին: Նոր դաշնակիցները պէտք է օգնեն Հայաստանին, մանաւանդ ապահովութեան մարզին մէջ: Միրզոյեան կարեւոր նկատեց երկրի գործընկերներուն յայտարարութիւնները երկրի սահմանի անձեռնմխելիութեան եւ տարածքային ամբողջականութեան նկատմամբ:
Անդրադառնալով ՙԶանգեզուրի միջանցք՚ի հարցին, Միրզոյեան յայտարարեց, թէ Հայաստանի հանրապետութիւնը որեւէ պարտաւորութիւն չէ ստորագրած այս հարցին շուրջ, ոչ 9 Նոյեմբեր 2020-ին եւ ոչ ալ այլ փաստաթուղթի մէջ: Ան աւելցուց, որ Հայաստան կ’ուզէ ապաշրջափակել բոլոր ճամբաները հարաւային Կովկասի շրջանին մէջ: Ապաշրջափակում կատարել առանց երկիրներու գերիշխանութիւնը ոտնակոխելու: Այս ոտնակոխումը կ’երեւի Ատրպէյճանի նախագահ Իլհամ Ալիեւի դրած պահանջքին մէջ:
Նախարար Միրզոյեան ներկայացուց Ռուսիոյ դիրքը Ատրպէյճանի կողմէ կատարուած սահմանային խախտումներու համար եւ այդ դիրքն էրª չճդուած սահմաններու համար Ռուսիա չի կրնար միջամտել: Ան կոչ ուղղեց Ռուսիոյ չայպանելու Հայաստանը հարցի մը համար, որուն մէջ ինք մեղաւոր չէ, այլ հետեւելու դէպքերու տրամաբանական ընթացքին:
