Տաւոսի համաշխարհային տնտեսական համաժողովի ծիրին մէջ, Հայաստանի նախագահ Վահագն Խաչատուրեանը հանդիպում ունեցած է ԱՄՆ Միջազգային զարգացման գործակալութեան (USAID) ղեկավար Սամանթա Փաուըրի հետ:
Հանդիպման ընթացքին քննարկուած են հարաւկովկասյեան տարածաշրջանի ընդհանուր իրադրութիւնն ու առկայ մարդասիրական մարտահրաւէրները:
Անդրադարձ կատարուած է գործակալութեան ղեկավարի տարածաշրջանային վերջին այցի արդիւնքներուն:
Հայաստանի նախագահը վերստին ընդգծած է կայուն եւ տեւական խաղաղութեան հասնելու Հայաստանի սկզբունքային դիրքորոշումը եւ նշած է, որ խաղաղութեան գործընթացը այլընտրանք չունի:
Զրոյցի ընթացքին երկուստեք շեշտուած է մարդասիրական խնդիրներու լուծման ուղղութեամբ ջանքերու համատեղման կարեւորութիւնն ու հետագայ քայլերու անհրաժեշտութիւնը: Այս առնչութեամբ միտքեր փոխանակուած են ՀՀ կառավարութեան եւ Գործակալութեան ձեռք բերուած պայմանաւորուածութիւններու կատարման վերաբերեալ, ինչին վերաբերեալ Սամանթա Փաուըր վերահաստատած է համագործակցութեան շրջանակներու ընդլայնման ուղղութեամբ կազմակերպութեան պատրաստակամութիւնը:
Զրուցակիցները բարձր գնահատած են նաեւ շուրջ երեք տասնամեակ Հայաստանի եւ USAID-ի միջեւ առկայ սերտ համագործակցութիւնը եւ կարեւորած են նպատակային փոխգործակցութեան հետագայ խորացման ուղղուած համատեղ քայլերու շարունակականութիւնը:
