ԸՍԱԾ Է ՔՈՓԻՐՔԻՆ
Ռուսաստանը պատրաստ է հնարաւորինս նպաստելու Հայաստանի եւ Ատրպէյճանի միջեւ խաղաղության հաստատման£ Այս մասին ըսած է Հայաստանի մէջ Ռուսաստանի դեսպան Սերկէյ Քոփիրքինը£
ՙՌուսական կողմը շատ աշխոյժ, հաստատակամօրէն եւ հետեւողականօրէն աշխատած է եւ կը շարունակէ աշխատիլ այդ ուղղությամբ£ Անոր մասին կը վկայեն նաեւ մեր գործողութիւնները£ Ես նոյնիսկ կրնամ թուարկել այն աշխատանքը, որ այդ ուղղութեամբ իրականացուած է Ռուսաստանի մասնակցութեամբ եւ նախաձեռնութեամբ£ Կ՛ուզեմ ըսել, որ Ռուսաստանը հաստատակամօրէն տրամադրուած է, որպէսզի հնարաւորինս աջակցի այդ գործընթացինª Հայաստանի եւ Ատրպէյճանի միջեւ իսկապես կայուն, արդար խաղաղութեան հաստատման՚, ըսած է Քոփիրքին£
Ան ընդգծած է, որ Մոսկուան շահագրգռուած է, որ տարածաշրջանին եւ ընդհանրապէս աշխարհի մէջ կայունութիւն ըլլայ£ ՙՄենք կ՛աջակցինք յարաբերութիւններու կարգաւորման գործընթացին եւ Ռուսաստանը միշտ աշխուժօրէն շեշտադրած է այդ ուղղութեամբ աշխատելու պատրաստակամութիւնը բոլոր առումներովª ըլլայ այդ խաղաղութեան պայմանագրի կնքումը, ըլլայ այդ Հայաստանի եւ Ատրպէյճանի միջեւ սահմանազատումն ու սահմանագծումը, ըլլայ այդ կողմերուն միջեւ վստահութեան զարգացումըª ներառեալ քաղաքացիական հասարակութեան առնչութեամբ շփումներու միջոցով, ըլլայ այդ կապուղիներու բացումը՚, ըսած է Քոփիրքին£
