Հայաստանի Հանրապետութեան վարչապետ Նիկոլ Փաշինեան ընդունած է Կովկասի եւ Կեդրոնական Ասիոյ մէջ ՆԱԹՕ-ի Գլխաւոր քարտուղարի յատուկ ներկայացուցիչ Խավիեր Քոլոմինան:
Զրուցակիցները քննարկած են Հայաստան-ՆԱԹՕ համագործակցութեան, ինչպէս նաեւ տարածաշրջանային եւ միջազգային անվտանգութեան առնչուող հարցեր:
Վարչապետը անդրադարձած է Հարաւային Կովկասի մէջ անվտանգային իրավիճակին, Հայաստան-Ատրպէյճան յարաբերութիւններու կարգաւորման գործընթացի վերջին զարգացումներուն ու խաղաղութեան գործընթացինª համաձայն նախապէս համաձայնեցուած յանրահայտ սկզբունքներուն£
Զրուցակիցները մտահոգութիւն յայտնած են Ատրպէյճանի նախագահի վերջին յայտարարութիւններուն առնչութեամբ, որոնք կը հակասեն բանակցութիւններու ամբողջ տրամաբանութեան եւ կը նպաստեն տարածաշրջանին մէջ լարուածութեան:
Այս ծիրին մէջ, վարչապետը կարեւորած է միջազգային հանրութեան հասցէական արձագանգն ու գործողութիւններուն անհրաժեշտութիւնըª ուղղուած Հարաւային Կովկասի մէջ կայունութեան ու խաղաղութեան:
