Անթիլիասի Մայրավանքի իր գրասենեակին մէջ, Ն.Ս.Օ.Տ.Տ. Արամ Ա. Վեհափառ Հայրապետին յաջորդաբար այցելեցին Լիբանանի մէջ Հայաստանի Հանրապետութեան դեսպան Վահագն Աթաբէկեանը եւ Քաթարի մէջ Լիբանանի Հանրապետութեան դեսպանուհի Ֆարահ Պըրրին£
Դեսպան Աթաբէկեանի հետ կայացած հանդիպման խօսակցութեան առանցքը դարձան Հայրենիքին դիմագրաւած մարտահրաւէրները, Հայաստան-Սփիւռք յարաբերութիւնները եւ ընդհանրապէս տարածաշրջանը յուզող հարցերը£
Հայրապետը եւ դեսպանուհի Պըրրի անդրադարձան անցնող շաբթուան ընթացքին Վեհափառ Հայրապետին Քաթար կատարած այցելութեան եւ վարչապետին հետ ունեցած հանդիպման£ Հանդիպման ներկայ էր Հայկական Երեսփոխանական պլոքի ներկայացուցիչ Յակոբ Բագրատունին£
