Օրհնութեամբ եւ նախագահութեամբ Ն.Ս.Օ.Տ.Տ. Արամ Ա. Վեհափառ Կաթողիկոսին, Ուրբաթ, 19 Յունուար 2024-ին, Անթիլիասի Մայրավանքին մէջ ընթացք առաւ Մեծի Տանն Կիլիկիոյ Կաթողիկոսութեան Վերլուծման եւ իրազեկման հարթակին (Վ.Ի.Հ.) ՙՀայկական աշխարհը եւ տարածաշրջանային վերջին իրադարձութիւնները՚ խորագրով խորհրդաժողովը£
Երկօրեայ խորհրդաժողովը պիտի քննարկէ Ատրպէյճանի ոչնչացման քաղաքականութիւնը դիմակայելու, արցախահայութեան եւ ռազմագերիներու եւ առեւանգուած ռազմաքաղաքական ղեկավարութեան տունդարձի, տարածաշրջանային քաղաքական իրադարձութիւններու եւ Արցախի հոգեւոր ու մշակութային ժառանգութեան պահպանման առնչուած թեմաներ£
Նշենք, որ խորհրդաժողովի մասնակից անդամները անցնող տարի ունեցան եօթը առցանց նիստեր, որոնց ընթացքին, Նորին Սրբութեան նախագահութեամբ, քննարկուեցան հայկական աշխարհին առնչուածութիւնը աշխարհաքաղաքական նորագոյն իրադարձութիւններուն£
Խորհրդաժողովի աւարտին պիտի հրապարակուի ժողովէն բխած հաղորդագրութիւն մը£