Տաւոսի համաշխարհային տնտեսական համաժողովի ծիրին մէջ, Հայաստանի Հանրապետութեան նախագահ Վահագն Խաչատուրեանը հանդիպած է Արժոյթի միջազգային հիմնադրամի (ԱՄՀ) կառավարիչ-տնօրէն Քրիսթալինա Կէորկիեւայի հետ:
Զրոյցի ընթացքին Վահագն Խաչատուրեանը բարձր գնահատած է ԱՄՀ-ի հետ Հայաստանի արդիւնաւէտ փոխգործակցութիւնը եւ վստահութիւն յայտնած, որ համագործակցութիւնը շարունակական բնոյթ պիտի ունենայ:
ԱՄՀ կառավարիչ-տնօրէնը իր խօսքին մէջ առանձնայատուկ շեշտած է վերջին տարիներուն Հայաստանի տպաւորիչ ֆինանսական ցուցանիշերը, ընդգծելով որ տարածաշրջանին մէջ կայուն եւ վերջնական խաղաղութեան հաստատման պարագային տնտեսական աճի աւելի լայն հնարաւորութիւններ եւ ուղղութիւններ պիտի արձանագրուին£
Հանդիպման ընթացքին կողմերը նաեւ միտքեր փոխանակած են ներկայի առկայ մարտահրաւէրներու եւ համաշխարհային տնտեսութեան զարգացման ու յառաջընթացին վրայ անոնց ազդեցութեան վերաբերեալ:
