Տաւոսի տնտեսական համաժողովի ընթացքին, Հայաստանի նախագահ Վահագն Խաչատուրեան հանդիպած է Հիւլէական ուժանիւթի միջազգային գործակալութեան գլխաւոր տնօրէն Ռաֆայէլ Մարիանօ Կրոսիին:
Հանդիպման ընթացքին նախագահ Խաչատուրեան առանձնայատուկ ընդգծած է ՀՀ կառավարութեան եւ Գործակալութեան միջեւ երկարատեւ ու արդիւնաւէտ համագործակցութեան կարեւորութիւնը, որ էական նշանակութիւն ունի Հայաստանի ուժանիւթային անվտանգութեան ապահովման գործին մէջ:
Զրոյցի ընթացքին միտքեր փոխանակուած են Հայաստանի մէջ հիւլէականª որպէս ՙկանաչ՚ ուժանիւթի ոլորտի հետագայ զարգացման վերաբերեալ: Կրոսի ընդգծած է, որ Հայաստանը մշտապես կրնայ ակնկալել Գործակալութեան աջակցութիւնը:
Հանդիպման աւարտին պայմանաւորուածութիւն ձեռք բերուած է շարունակելու սերտ համագործակցութիւնը մասնաւորապէս փորձագիտական խորհրդատուութեան եւ համապարփակ աջակցութեան տրամադրման առումով:
