Հայաստանի վարչապետ Նիկոլ Փաշինեան երէկ ընդունեց Միացեալ Նահանգներու Արտաքին գործերու նաարարութեան փտածութեան դէմ միջազգային պայքարի համակարգող Ռիչըրտ Նեֆիուն: Վարչապետը կարեւորեց փտածութեան դէմ պայքարի եւ ժողովրդավարական հաստատութիւններու ամրապնդումին ուղղութեամբ Ուաշինկթընի հետ Երեւանի սերտ համագործակցութիւնն ու անոր շարունակութիւնը: Փաշինեան Հայաստանի առաջնահերթութիւններէն համարեց փտածութեան դէմ պայքարը եւ բարեփոխումներու իրականացումը: Ամերիկացի հիւրը իր երկրին շարունակական աջակցութիւնը յայտնեց Հայաստանի կառավարութեանª ժողովրդավարութեան ամրապնդումին, դատական ոլորտին մէջ բարեփոխումներու իրականացումին եւ փտածութեան դէմ արդիւնաւէտ պայքարին ուղղութեամբ:
