ՙԻսլամական պետութիւն՚ կազմակերպութիւնը ստանձնեց նախանցեալ օր Իրանի Քարման քաղաքին մէջ տեղի ունեցած ահաբեկչական գործողութեան պատասխանատուութիւնը: Նշենք, որ Չորեքշաբթի օր երկու պայթում որոտաց յեղափոխական պահակագունդի նախկին ղեկավար զօրավար Քասէմ Սուլէյմանիի դամբարանին մօտակայքըª Պաղտատի , անոր ահաբեկբումէն ճիշդ 4 տարի ետք: Պայթումներուն պատճառով զոհուեցաւ աւելի քան հարիւր մարդ, իսկ վիրաւորներուն թիւը հասաւ 150-ի:
Իրանի նախագահ Իպրահիմ Ռայիսի հաւաստիացուց, որ իրենք պիտի հակադարձեն Քարմանի յարձակումներուն, տեղի ունեցածը համարելով նոր դաւադրութիւն մը, որուն դիմաց կարելի չէ լուռ մնալ:
Սէուտական Արաբիոյ Արտաքին գործերու նախարարութիւնը դատապարտեց Իրանի մէջ տեղի ունեցած գործողութիւնները եւ ցաւակցեցաւ նահատականերու հարազատներուն, շուտափոյթ ապաքինում մաղթելով վիրաւորներուն: ՄԱԿ-ի Անվտանգութեան խորհուրդը դատապարտեց Իրանի մէջ տեղի ունեցած յարձակումը եւ կոչ ուղղեց պատժելու յանցագործներն ու զանոնք ֆինանսաւորողները:
Հայաստանի վարչապետ Նիկոլ Փաշինեան ցաւակցական հեռագիր յղեց Իրանի նախագահին եւ Հայաստանի անունով դատապարտեց Քարմանի մէջ տեղի ունեցածը, ցաւակցեցաւ զոհերու հարազատներուն եւ ապաքինում մաղթեց վիրաւորներուն:a
