Իսրայէլի արտաքին գործերու նախարար Իսրայէլ Քաց անուղղակիօրէն ընդունեց, թէ Իսրայէլ ծրագրեց Հըզպալլայի ճակատի հրամանատարներէն Ուիսամ Հասան Թաուիլի սպանութիւնը: Ան աւելցուց, որ իր երկիրը կը հարուածէ Հըզպալլայի ենթակառուցուածքը ու մարդուժը: Քաց այս քաղաքականութիւնը համարեց նպատակային, հիւսիսային Իսրայէլի ապահովութեան հասնելու համար:
Իսկ Հըզպալլա հակադարձեց այս հարուածինª անօդաչու թռչող սարքերով ռմբակոծելով հիւսիսային Իսրայէլի Սաֆատ քաղաքին մէջ գտնուող հիւսիսային բանակի կեդրոնատեղին:
Հարաւային Լիբանանի Ղանտուրիէ գիւղին մօտ իսրայէլեան անօդաչու թռչող սարք մը ռմբակոծեց ինքնաշարժ մը, որուն մէջ գտնուող երեք անձեր սպաննուեցան: Իսկ Խըրպըթ Սըլմ գիւղին մէջ իսրայէլեան երկու անօդաչու սարքեր ռմբակոծեցին ինքնաշարժ մը:
