Հակառակ հանդարտութեան միտող որոշ խօսքերու, հարաւային գօտիին մէջ տիրող վիճակը երէկ եւս ծանր էրª մէկ կողմէ իսրայէլեան շարունակական հաուածներ, միւս կողմէ Հըզպալլայի հռթիրարձակումներ, որոնք երէկ հասան իսրայէլեան Մեթուլէ բնակավայր, որպէս հակադարձութիւն լիբանանեան գիւղերու ռմբակոծումին եւ քաղաքացիներու կրած մարմնային վնասուածքներուն: Հըզպալլայի Կեդրոնական խորհուրդի անդամ շէյխ Նապիլ Քաուք այս առումով յայտնեց, որ ՙԴիմադրութիւնը յստակօրէն վճռած է անյապաղ եւ ուժգին հարուած տալ թշնամիին, եթէ Լիբանանի մէջ թիրախաւորուին լիբանանցի քաղաքացիներ՚:
Նշենք, որ երէկ իսրայէլեան ռմբակոծումի թիրախներու շարքին էր սահմանային Պլիտա գիւղի բնակարաններէն մէկը, մինչ ընդամէնը շուրջ հարիւր մեթր հեռու կը կատարուէր Հըզպալլայի անդամներէն Հասան Իպրահիմի յուղարկաւորութիւնը: Քանի մը օր առաջ, յուղարկաւորութեան մը ընթացքին իսրայէլեան ռմբակոծում տեղի ունեցաւ նաեւ սահմանային Այթա Շաապ գիւղին մէջ:
