Խորհրդարանի փոխնախագահ Էլիաս Պու Սաապ վստահութիւն յայտնեց, որ տօնական արձակուրդէն ետք խորհրդարանի նախագահ Նեպիհ Պըրրիի առաջնահերթութիւնը պիտի ըլլայ հանրապետութեան նոր նախագահի ընտրութեան իրականացումը: Այն Թինէ այցելելէ ետք, Պու Սաապ երէկ դատապարտեց պաշտպանութեան նախարարի պաշտօնակատար Մորիս Սլիմին ուղղուած քննադատութիւնները ու դիտել տուաւ, որ Սլիմի պաշտօնավարումը աւարտած համարել կը նշանակէ նոյնը ըսել նաեւ գործող կառավարութեան եւ վարչապետի պաշտօնակատար գործունէութեան մասին: Պու Սաապի համաձայն, այս օրերուն կը քննարկուի հարաւի մէջ մագլցումի կանխումըª որպէսզի լիբանանցիները կարենան խաղաղութեամբ վայելել տօները:
