Ընթացիկ տարուայ Յունուար-Նոյեմբեր ամիսներուն Հայաստան այցելած է 2,2 միլիոն զբօսաշրջիկ, որ երկրին համար բացարձակ մրցանիշ է£ Նախորդ տարուայ նոյն ժամանակահատուածին համեմատ 42 տոկոս աճ արձանագրուած է£ Վիճակագրական տուեալներուն համաձայնª Հայաստան եկածներուն կէսէն աւելին Ռուսաստանէն է, որուն կը յաջորդէ Վրաստանը, այնուհետեւ Իրանն ու ԱՄՆ-ն£ Զբօսաշրջութեան հայկական ֆետերասիոնի նախագահ Մեխակ Ապրեսեանը նշեց, որ զբօսաշրջային այցերու այս աննախադէպ աշխուժութիւնը պայմանաւորուած է ինչպէս աշխարհաքաղաքական զարգացումներով, ռուս-ուքրանական խնդիրով, այնպէս ալ Հայաստանի աշխոյժ աշխատանքով£
ՙՍա շատ կարեւոր արդիւնք է, որովհետեւ Քովիտի ու պատերազմի ուղղակի ազդեցութիւնը կրած է զբօսաշրջութեան ոլորտը եւ այժմ կը տեսնենք աշխուժութիւն£ Ամէն ինչ կատարուած է, որ Հայաստանը պատշաճ ներկայացուի ու կարոենանք մեր դիրքերը պահպանել համաշխարհային շուկային մէջ՚, ըսաւ Մեխակ Ապրեսեանը£
Որքանո՞վ զբօսաշրջական ընկերութիւնները իրենց վրայ կը զգան զբօսաշրջային այս հոսքին ազդեցութիւնը£ ՙՎիզիթ Արմէնիա՚ զբօսաշրջական ընկերութեան հիմնադիր Վլատիմիր Գէորգեանի խօսքովª առաջին հայեացքէն թիւերը կարեւոր են, սակայն այստեղ խօսքը կազմակերպուած զբօսաշրջութեան մասին չէ£ Շատ են անհատական այցելութիւնները, մեծ թիւ կը կազմեն նաեւ հայերը, որոնք կու գան առանձին նախաձեռնութեամբ եւ զբօսաշրջական ընկերութիւններու յաճախորդները չեն£
