Հայաստանի Կեդրոնական դրամատան նախագահ Մարտին Գալստեանի կարծիքովª բոլորին մօտ կայ այն ընկալումն ու գիտակցումը, որ գնաճը չարիք է, հետեւաբար Կեդրոնական դրամատունը իր ամբողջ գործիքակազմով մշտապէս պիտի պայքարի, որպէսզի Հայաստանի մէջ գնաճը ըլլայ ցած ու կառավարելի, որովհետեւ այդ է այն գլխաւոր նախապայմանը, որու առկայութեան պարագային երկիրները կ’ունենան կայուն եւ աշխոյժ զարգացող տնտեսութիւն£
Մամլոյ ասուլիսի ընթացքին Գալստեան նշեց, որ ցած, կայուն եւ կանխատեսելի գնաճային միջավայրը թոյլ կու տայ ներդրումներ կատարել եւ նման պայմաններու մէջ հնարաւորութիւն կ’ընձեռուի նաեւ աշխատավարձերու պարբերաբար վերանայման համար, հետեւաբար ցած ու կանխատեսելի գնաճ ունենալը գերնպատակ է£
Գալստեան տեղեկացուց, Կեդրոնական դրամատան Խորհուրդը որոշած է վերաֆինանսաւորման տոկոսադրոյքը իջեցնել 0,25 տոկոսային կէտովª սահմանելով 9,25 տոկոս£ 2023 թուականի Նոյեմբերին 12-ամսեայ գնաճը նուազած էª նախորդ ամսուան վերջը կազմելով -0,5 տոկոս, իսկ 12-ամսեայ բնական աճը Հոկտեմբերին կազմած է 0£ Չորրորդ եռամսեակին համաշխարհային եւ Հայաստանի հիմնական գործընկեր երկիրներու տնտեսական աշխուժութիւնը կը շարունակէ դանդաղիլ£
ՙԸնթացիկ տարուայ համար տնտեսական աճին առնչուող մեր կանխատեսումները որոշակիօրէն աւելի բարձր են, քան մենք նոյնիսկ կ՛ակնկալէինք նախորդ կանխատեսումներու ժամանակ եւ տարուայ կտրուածքով տնտեսական աճը պիտի ըլլայ 8,3 տոկոս£ Իսկ ինչ կը վերաբերի յաջորդ տարուան, ապա 2024 թուականին համար եւս բաւականին կայուն աճ կը սպասենքª 6,1 տոկոս£ Հիմնական շարժիչ գործօնները կը շարունակեն կապուած ըլլալ պահանջարկի հետ£ Խօսքը հիմնականին մէջ սպառման մասին է£ Օրինակª մանրածախ առեւտուրի մասով 12-ամսեայ կտրուածքով Հոկտեմբերին 17 տոկոսով աճ արձանագրուած է£ Ընդհանուր առմամբª միւս տարուայ վերջին գնաճը աւելի մօտ պիտի ըլլայ մեր նախանշուած թիրախին՚, ըսաւ Գալստեան£
