Բարձր արհեստագիտական արդիւնաբերութեան նախարարութիւնը պաշտօնապէս դիմած է ռուսական կողմին` նախաձեռնելով խորհրդակցութիւններ երկու երկիրներու իրաւասու գերատեսչութիւններուն միջեւ զանգուածային հեռահաղորդակցման ոլորտին մէջ համագործակցութեան վերաբերեալ ձեռք բերուած պայմանաւորուածութիւններու իրականացման ընթացքին շուրջ: Այս մասին տեղեկացուց ՀՀ բարձր արհեստագիտական արդիւնաբերութեա նախարարի տեղակալ Աւետ Պօղոսեանը:
Անոր խօսքով` ռուսական կողմն ընդունած է հրաւէրը եւ Դեկտեմբերի կէսերուն նախատեսուած են խորհրդակցութիւններ` Հայաստանի եւ Ռուսաստանի միջեւ զանգուածային հեռահաղորդակցման ոլորտի Միջպետական համաձայնագրի 4-րդ եւ 5-րդ կէտերու խախտումներու հարցով, համաձայնագրով ձեռք բերուած պարտաւորութիւններու իրականացման շուրջ:
ՙՀայկական կողմը պատրաստակամ է հետեւողական քայլեր իրականացնելու` յիշեալ Համաձայնագրով ստանձնած պարտաւորութիւններու պահպանման, ինչպէս նաեւ խախտումներու բացառման նպատակով՚, շեշտեց Աւետ Պօղոսեանը:
