Ֆրանսայի Ծերակոյտը խորհուրդ տուած է հնարաւորինս արագ ուսումնասիրել CAESAR հրետանային համակարգերու մատակարարումը Հայաստանª հաշուի առնելով այս սարքին արդիւնաւէտութիւնը եւ Nexter-ի նոր արտադրական հզօրութիւնները 2024 թուականին£
Ֆրանսայի Ծերակոյտի հաղորդագրութեան համաձայն, Հայաստանը վերջերս Thales-էն երեք GM200 ռատիոտեղորոշիչ կայաններու պատուէր ստորագրած է, եւ քննարկումներ կ՛ընթանան MISTRAL 3 զենիթահրթիռային համակարգերու մատակարարման շուրջ£
Ծերակոյտը նաեւ նշած է, որ ֆրանսական ՙArquus՚ ընկերութեան արտադրած ՙBastion՚ տիպի 24 զրահամեքենայ արդէն ուղարկուած է Հայաստան, որոնց պէտք է միանան եւս 26 նոյն տիպի մեքենաներ, որոնք հիմա կ’արտադրուին£
ՙՖրանսայի իշխանութիւնները նախաձեռնած են Հայաստանին ՙպաշտպանական՚ զէնք մատակարարել£ Պաշտպանական եւ յարձակողական զէնքերու այս տարբերակումը իրականութեան մէջ այնքան ալ գործնական չէ, ինչպէս ցոյց տուաւ Ուքրանիոյ պատերազմը: Չկրկնենք նոյն սխալները եւ չյետաձգենք այն սարքաւորումներու մատակարարումը, որոնք անհրաժեշտ պիտի ըլլային ի սկզբանէ£ Այդ իսկ պատճառով մենք պէտք է գործնական արձագանգենք Հայաստանի իշխանութիւններու բոլոր խնդրանքներուն, յատկապէսª կապուած անոնց հրետանիի կարիքին հետ՚, ըսած են Ֆրանսայի Ծերակոյտին մէջ:
Զէնքի մատակարարման վերաբերեալ պայմանաւորուածութիւնները ձեռք բերուած են 2023 թուականի Հոկտեմբերին Փարիզի մէջ Ֆրանսայի ռազմական գերատեսչութեան ղեկավար Սեպասթիեն Լեքորնիուի եւ Հայաստանի պաշտպանութեան նախարար Սուրէն Պապիկեանի հանդիպման ժամանակ£
