Հայաստանի տնտեսական աշխուժութեան ցուցանիշը 2023 թուականի Յունուար-Հոկտեմբեր ամիսներուն 9,2 տոկոսով աւելցած է նախորդ տարուան նոյն ժամանակահատուածին նկատմամբ: Այս մասին կը փաստեն ՀՀ Վիճակագրական Կոմիտէի հրապարակած տուեալները:
Արդիւնաբերական արտադրանքին ծաւալը այս տարուան Յունուար-Հոկտեմբերին նախորդ տարուան նոյն ժամանակահատուածին համեմատ նուազած է 0,5 տոկոսով:
Շինարարութեան ծաւալը 2023-ի 10 ամիսներուն նախորդ տարուան նոյն ժամանակին համեմատ աւելցած է 16,4 տոկոսով:
Առեւտուրի շրջանառութեան մէջ Յունուար-Հոկտեմբերին 2022-ի Յունուար-Հոկտեմբերի նկատմամբ աւելացումը կազմած է 23,3 տոկոս: Նոյն ժամանակահատուածին մատուցուած ծառայութիւններուն ծաւալը աւելցած է 12,1 տոկոսով:
2023 թուականի Յունուար-Հոկտեմբերին սպառողական գիներու ցուցակը նախորդ տարուան նոյն ժամանակահատուածին համեմատ աճած է 2,5 տոկոսով, իսկ արդիւնաբերական արտադրանքի գիներու ցուցակըª 1,6 տոկոսով: Ելեկտրուժի արտադրութեան ծաւալներուն մէջ արձանագրուած է նուազում, նախորդ տարուան նոյն ժամանակին համեմատ նուազումը կազմած է 3,5 տոկոս:
Արտաքին առեւտրաշրջանառութեան ծաւալը այս տարուան Յունուար-Հոկտեմբերին նախորդ տարուան նոյն ժամանակին համեմատ աճած է 41,2 տոկոսով: Ընդ որումª նախորդ տարուան 10 ամիսներու նկատմամբ արտահանումը աճած է 38,5 տոկոսով, իսկ ներմուծումըª 42,9 տոկոսով:
Դրամի փոխարժէքը ԱՄՆ տոլարին նկատմամբ Յունուար-Հոկտեմբեր ամիսներուն կազմած է 390.27 դրամ:
