Հայաստանի Հանրապետութեան վարչապետի աշխատակազմի ղեկավար, Արամ Խաչատրեանի 120-ամեակի յոբելենական յանձնաժողովի նախագահ Արայիկ Յարութիւնեանը, 27 Նոյեմբերին, Վրաստանի մայրաքաղաք Թիֆլիսի մէջ ներկայ գտնուած է Արամ Խաչատրեանին նուaիրուած յուշատախտակի բացման արարողութեան:
Յուշատախտակը տեղադրուած է Ուզնաձէ 93 հասցէով, ուր 1906-1922 թուականներուն ապրած է աշխարհահռչակ երաժշտահանը:
Միջոցառման ներկայ եղած է նաեւ ՀՀ կրթութեան, գիտութեան, մշակոյթի եւ մարմնակրթութեան նախարարի տեղակալ Դանիէլ Դանիէլեանը:
Ողջոյնի խօսքով հանդէս եկած է Վրաստանի մէջ ՀՀ դեսպան Աշոտ Սմբատեանը, որ ընդգծած է Թիֆլիսի մէջ անցուցած տարիներուն ազդեցութիւնը Խաչատրեան երաժշտահանի ձեւաւորման եւ կայացման գործին մէջ, եւ շնորհակալութիւն յայտնած է Վրաստանի մէջ ՀՀ դեսպանութեան եւ Երեւանի Արամ Խաչատրեանի տուն-թանգարանին նախաձեռնութեան աջակցելու համար:
