ՀՀ փոխվարչապետ Տիգրան Խաչատրեան հիւրընկալած է Համաշխարհային դրամատան Հարաւային Կովկասի տարածաշրջանային տնօրէն Ռոլանտ Փրայսը:
Տիգրան Խաչատրեան ներկայացուցած է ԼՂ-էն աւելի քան 100 հազար հայերու բռնի տեղահանման հետեւանքով ձեւաւորուած մարդասիրական իրավիճակը, ինչպէս նաեւ անոր յաղթահարման նպատակով կառավարութեան կողմէ իրականացուող միջոցառումները: Փոխվարչապետը յատուկ ընդգծած է կառավարութեան արձագանգման գործիքակազմի շրջանակներուն մէջ գործընկեր կառոյցներու հետ համագործակցութեան կարեւորութիւնը:
Համաշխարհային դրամատան Հարաւային Կովկասի տարածաշրջանային տնօրէնը վստահեցուցած է, որ դրամատունը պատրաստակամ է աջակցելու Հայաստանին իրավիճակի արդիւնաւէտ կառավարման հարցով:
Հանդիպման ընթացքին զրուցակիցները անդրադարձած են երկկողմ համագործակցութեան հարցերու լայն շրջանակի, այդ շարքին` ոռոգման եւ խմելու ջուրի, առողջապահութեան եւ շարք մը այլ ուղղութիւններով:
