Լիբանանի հարաւային շրջաններուն մէջ ապահովական դրութիւնը երէկ անփոփոխ էր: Զանազան գիւղեր ականատես դարձան կրակի փոխանակումի, իսկ երեկոյեան ահազանգ հնչեց իսրայէլեան սահմանային բնակավայրերուն մէջª անօդաչու թռչող սարքերու առկայութեան պատճառով: Հըզպալլա շարունակեց թիրախաւորել իսրայէլեան սահմանային դիրքերը եւ շարք մը յայտարարութիւններով նշեց, որ թշնամիին պատճառած է մարդկային եւ նիւթական ծանր վնասներ, մասնաւորաբար Շըպաայի եւ Քֆարշուպայի բարձունքներուն վրայ:
Հըզպալլայի ընդհանուր քարտուղարի տեղակալ շէյխ Նայիմ Քասէմ յայտնեց, որ իրենք վախ չունին Իսրայէլէն, այլ պատրաստ են պատերազմի, եթէ այդ պարտադրուի թշնամիէն: ՙՊատերազմի հաւանականութիւնը կախեալ է Կազայի զարգացումներէն եւ իսրայէլեան մտադրութիւններէն՚, ըսաւ Քասէմ, չբացառելով ու չհաստատելով պատերազմի ընդարձակումին հաւանականութիւնը:
Իսկ մարոնիներու պատրիարք Պըշարա Ռահի կարտինալը ահազանգեց, թէ հարաւի ժողովուրդը կը հեռանայ տուներէն, կոչ ուղղելով դրամ նուիրաբերելուª տեղահանուածներու կարիքները հոգալու համար:
