Պաղեստինեան գործողութեան եօթներորդ օրը յատկանշուեցաւ Արեւմտեան Ափին մէջ գործողութիւններու սկսելով: ՙԺիհատ Իսլամի՚ պաղեստինեան կազմակերպութեան ՙՍարայա Ալ Քուտս՚ գումարտակը յարձակեցաւ Ժընին քաղաքի մօտակայ իսրայէլեան գաղութավայրերուն վրայ:
ՙՀամաս՚ պաղեստինեան շարժումի ՙԱլ Քասսամ՚ գումարտակը առաջին անգամ ըլլաով ռմբակոծեց հիւսիսային Իսարէյլի Գալիլիա շրջանին մէջ գտնուող Սաֆատ քաղաքին մէջ հիւսիսային շրջանի բանակի կեդրոնը: Գործածուեցաւ ՙԱյյաշ 250՚ մակնիշի հրթիռ մը: Այս գումարտակը ռմբակոծեց Թէլ Աւիւի մէջ գտնուող ՙՊէն Կուրիոն՚ օդակայանը եւ Ստիրոթ քաղաքը 50 հրթիռով: Իսրայէլեան բանակի կեդրոնացումներ թիրախ դարձան ՙԱլ Քասսամ՚ի հրթիռներուն եւ ՙԱլ Զաուարի՚ մակնիշի յարձակողական անօդաչու թռչող սարքերուն: ՙՀացրիմ՚ օդային խարիսխը թիրախ դարձաւ ՙԱլ Քասսամ՚ի հրթիռներուն:
Կազայի կառավարութեան տեղեկատուութեան գրասենեակը յայտարարեց, թէ իսրայէլեան ուժեր ռմբակոծած են գաղթականներու շարասիւն մը Կազայի մէջ: 70 հոգի զոհուած է եւ 200 հոգի վիրաւորուած է:
ՙՀամաս՚ շարժումի ՙԱլ Քասսամ՚ գումարտակին անունով խօսնակ Ապու Օպէյտա յայտարարեց, թէ թշնամին տկար է ու վախկոտ եւ չի կրնար տեղահանել Կազայի բնակիչները: Ան աւելցուց, որ տեղահանութիւն չկայ իրենց բառարանին մէջ: Իրենք պիտի շարժին մէկ ուղղութեամբª վերադառնալու համար իրենց ծննդավայրը:
