Չինաստանի արտաքին գործերու նախարար Ուանկ Եի յայտարարեց, թէ ներկայի տագնապին պատճառը Իսրայէլի եւ Համասի միջեւ, այն պատմական անիրաւութիւնն է, որուն ենթարկուեցաւ պաղեստինցի ժողովուրդը: Այս խօսքը ան արտասանեց երբ կ’ընդունէր Եւրոպական միութեան արտաքին յարաբերութեան յանձնակատար Ժոզէփ Պորէլը: Ըստ Եիի, պաղեստինեան պետութիւն մը հաստատելու ուշացումը հիմնական պատճառն է այս տագնապին: Երէկ Չինաստանի մէջ գտնուող Իսրայէլի դեսպանատան պաշտօնեայ մը յարձակումի ենթարկուած էր ու հիւանդանոց փոխադրուած: Իսրայէլ յայտնեց իր յուսախաբութիւնը, որ Չինաստան չդատապարտեց Համաս շարժումը:
Իր կողմէ, Ժոզէփ Պորէլ յայտարարեց, թէ քաղաքացիները պէտք է պաշտպանուին ու մարդասիրական օժանդակութիւն պէտք է ղրկուի բնակչութեան: Ան դատապարտեց ՙՀամաս՚ի յարձակումը եւ աւելցուց, որ մնայուն լուծումը կը կայանայ երկու պետութիւններու հիմնումին մէջ:
