Ռուսական դաշնութեան նախագահ Վլատիմիր Փութին յայտարարեց, թէ իսրայէլեան բանակին կողմէ Կազայի պաշարումը անընդունելի է ու կը նմանի Երկրորդ Համաշխարհային պատերազմի ընթացքին նացիական բանակին կողմէ ռուսական Լենինկրատ քաղաքի պաշարումին: Ան աւելցուց, որ Ռուսիա շատ լաւ յարաբերութիւն ունի արաբական եւ իսլամական երկիրներու հետ ու Ռուսիա պիտի գործադրէ իր խոստումը հիմնելու համար պաղեստինեան պետութիւն մը: Ռուսիա կրնայ միջնորդ ըլլալ երկու կողմերուն միջեւ: Փութին աւելցուց, թէ վստահ է որ Միջին Արեւելքի մէջ կայ զէնք, որ ուղարկուած էր ուքրանացիներուն:
