Լիբանանեան բանակը երէկ յարձակումի ենթարկուեցաւ Պեքաայի հիւսիսային Լապուէ բնակավայրին մէջ, երբ կը փորձէր բանալ քաղաքայիններուն փակած Պաալպաք-Հոմս մայրուղին: Խումբ մը քաղաքայիններ փակած էին միջազգային ճամբանª բողոքելու համար օր մը առաջ զինուորներուն կրակոցով իրենց ընկերոջ մահուան համար: Նշենք, որ երիտասարդը բանակի անցարգելին մօտ մերժած էր հպատակիլ զինուորներու պահանջներունª դիմելով բռնութեան, ուստի բանակայինները կրակ բացած էին անոր վրայ եւ զայն վիրաւորած: Ն.Ռ. աւելի ուշ մահացաւ հիւանդանոցին մէջ, որմէ ետք ընկերները փողոց իջան եւ փակեցին մայրուղինª խնդիրներ հրահրելով բանակին հետ:
