ԵԱՀԿ գործող նախագահ, Հիւսիսային Մակեդոնիոյ արտաքին գործերու նախարար Պույար Օսմանին ՄԱԿ-ի Գլխաւոր վեհաժողովի շրջանակներուն մէջ առանձին հանդիպումներ ունեցած է Հայաստանի արտաքին գործերու նախարար Արարատ Միրզոյեանի եւ Ատրպէյճանի արտաքին գործերու նախարար Ճէյհուն Պայրամովի հետ£ Այս մասին յայտարարութիւն տարածած է ԵԱՀԿ նախագահութիւնը£
ՙՆախագահ Օսմանին իր խոր մտահոգութիւնը յայտնած է տարածաշրջանին մէջ տեղի ունեցած ռազմական գործողութիւններուն եւ այն վտանգին առնչութեամբ, որ անոնք կը ներկայացնեն տուժած քաղաքացիական բնակչութեան համար£ Անյապաղ ապամագլցողութեան կոչ ընելով` ան կրկին բարձրաձայնած է իր մտահոգութիւնները հակամարտութենէն տուժած բնակչութեան, յատկապէսª խոցելի խումբերուն վրայ ծանր հետեւանքներու վերաբերեալ: Ան ընդգծած է, որ մարդասիրական նկատառումները պէտք է գերակայեն, եւ որ տեղի բնակչութեան մարդասիրական կարիքները պէտք է բաւարարուին£ Շեշտած է, որ վէճերը լուծելու համար ուժի կիրառումը լիովին եւ միշտ անընդունելի է, եւ որ կայուն, կառուցողական երկխօսութիւնըª բարի կամքի ոգիով, կայուն խաղաղութեան միակ ճանապարհն է՚, նշուած է յայտարարութեան մէջ£
Պույար Օսմանին կրկնած է իր պատրաստակամութիւնըª աշխուժօրէն ներգրաւուելու Հայաստանի եւ Ատրպէյճանի միջեւ խաղաղութեան օժանդակելուն£ Ան շեշտած է, որ ԵԱՀԿ-ը ունի համապատասխան փորձ եւ գործիքներª ՙնպաստելու երկխօսութեան, կառուցելու վստահութիւն եւ իրագործելու համապատասխան համաձայնութիւնները, որոնք կ՛աջակցին կողմերուն միջեւ յարաբերութիւններու կարգաւորման՚£
