Հայաստանի հանրապետութեան գլխաւոր դատախազ Աննա Վարդապետեանը ընդունած է Իրանի Իսլամական Հանրապետութեան արդարադատութեան փոխնախարար Ասքար Ճալալիանի գլխաւորած պատուիրակութիւնը: Հանդիպման մասնակցած է նաեւ Հայաստանի մէջ Իրանի արտակարգ եւ լիազօր դեսպան Մեհտի Սոպհանին:
Նախքան օրակարգային հարցերուն անդրադառնալըª Աննա Վարդապետեան իրանցի գործընկերներուն տեղեկացուցած է 19 Սեպտեմբերի առաւօտեան Լեռնային Ղարաբաղի ժողովուրդին դէմ Ատրպէյճանի կողմէ սանձազերծված լայնածաւալ յարձակման մասինª ընդգծելով, որ Ատրպէյճանը կը շարունակէ իր հայատեաց եւ ցեղասպան քաղաքականութիւնը:
Գլխաւոր դատախազը ընդգծած է, որ ատրպէյճանական զինուած ուժերուն կողմէ թիրախաւորուած են քաղաքացիական բնակչութիւնը եւ ենթակառուցուածքները, առկայ են զոհեր եւ վիրաւորներ, այդ շարքինª կանայք եւ երեխաներ:
Այս ծիրին մէջ, ՀՀ գլխաւոր դատախազը կարեւորած է Հայաստանի եւ Իրանի բազմադարեայ բարեկամութիւնըª ընդգծելով, որ տարածաշրջանային անվտանգութեան ապահովման առումով հայ-իրանեան յարաբերութիւնները կ՛ամրապնդուին:
Իրանի արդարադատութեան նախարարին տեղակալը նշած է, որ Իրանը մտահոգուած է ստեղծուած իրավիճակով եւ ընդգծած է, որ Իրանի ջանքերը ուղղուած են տարածաշրջանին մէջ խաղաղութեան ապահովման ու ամրապնդման:
Հանդիպման ընթացքին անդրադարձ կատարուած է օրակարգային շարք մը հարցերու:
Պատուիրակութիւնը Հայաստան ժամանած է հայ-իրանեան իրաւական հարցերով կոմիտէի անդրանիկ նիստին մասնակցելու նպատակով:
