Դադիվանքի նախկին վանահայր Տէր Յովհաննէս քահանայ Յովհաննիսեանը, որ 44-օրեայ պատերազմէն յետոյ ծառայութիւնը կ՛անցընէ Մարտակերտի Յակոբավանքին մէջ, 19 Սեպտեմբերին վիրաւորում ստացած է Լեռնային Ղարաբաղի մէջ` ատրպէյճանական յարձակման հետեւանքով:
Մայր Աթոռ Սուրբ Էջմիածնի տեղեկատուական բաժնէն յայտնեցին, որ ան ներկայիս Արցախի հիւանդանոցներէն մէկուն մէջ է:
ՙՏէր Յովհաննէս քահանան վիրահատուած է: Վիրահատած են անոր փայծաղը: Անոր առողջական վիճակը հիմա կայուն է՚, նշեցին Մայր Աթոռէն:
Վիրահատութիւնը տեղի ունեցած է Ստեփանակերտի հիւանդանոցին մէջ:
