ԱՄՆ-ի մէջ, 2023 թուականի 25-29 Սեպտեմբերն, կը նախատեսուի կայացնել Հայաստան-ԱՄՆ գործարար համաժողով: Այս մասին հաղորդագրութիւն տարածած է ՀՀ Տնտեսութեան նախարարութիւնը:
Համաժողովին կը հրաւիրուին մասնակցելու գինեգործութեան, տեղեկատուական արհեստագիտութիւններու, գիւղատնտեսութեան ոլորտներու ներկայացուցիչներ:
Համաժողովի ընթացքին ԱՄՆ գործարար շրջանակներուն պիտի ներկայացուին Հայաստանի ներդրումային միջավայրը եւ գործարար հնարաւորութիւնները:
Համաժողովը տեղի պիտի ունենայ Հայ-ամերիկեան գործարար խորհուրդին հետ համատեղ: Գործարար համաժողովի ընթացքին երկու երկիրներու գործարար համայնքներու ներկայացուցիչներուն պիտի ընձեռուի ազատ ձեւաչափով շփման հնարաւորութիւն:
ԱՄՆ այցի ծիրին մէջ կը նախատեսուի այցելութիւն ԱՄՆ-ի մէջ ՙՀայկական գործարար անկիւն՚, ուրկը նախատեսուի շրջայց տաղաւարներով եւ ազատ ձեւաչափով շփումներ գործարար համայնքներու ներկայացուցիչներու միջեւ:
Համաժողովը տեղի պիտի ունենայ Լոս Անճելըս եւ Պըրպանք քաղաքներուն մէջ:
