Հայաստանի Հանրապետութեան պաշտպանութեան նախարար Սուրէն Պապիկեանը ընդունած է Հայաստանի մէջ ԱՄՆ գործերու ժամանակաւոր հաւատարմատար Ուիլիըմ (Չիփ) Լեյթինենը եւ պաշտպանութեան հարցերով նորանշանակ կցորդ, գնդապետ Քեվըն Սթիլը:
Հանդիպման ընթացքին քննարկուած են պաշտպանութեան բնագաւառին մէջ հայ-ամերիկեան համագործակցութեան ներկայիս ընթացքին, զարգացման հեռանկարներուն, ինչպէս նաեւ տարածաշրջանային անվտանգութեան առնչուող շարք մը հարցեր:
