Հնդկաստան կատարած աշխատանքային այցի ընթացքին, Հայաստանի Հանրապետութեան Անվտանգութեան Խորհուրդի քարտուղար Արմէն Գրիգորեանը հանդիպած է Հնդկաստանի վարչապետի ազգային անվտանգութեան հարցով խորհրդական Աճիթ Տովալի հետ: Արմէն Գրիգորեանը Ֆէյսպուքի իր էջով գրառում կատարած է:
ՙՇնորհաւորած եմ ՙՉանտրայաան 3՚ առաքելութեան լուսնի վրայ կատարած բարեյաջող վայրէջքին առիթով: Վերոնշեալի ծիրին մէջ քննարկած ենք տիեզերական արդիւնաբերութեան ոլորտին մէջ հնարաւոր համատեղ ծրագրերու իրականացումը:
Զրուցակցիս հետ քննարկած ենք տարածաշրջանային անվտանգային զարգացումներուն առնչուող հարցեր, ինչի առումով ներկայացուցած եմ Լեռնային Ղարաբաղի մարդասիրական ճգնաժամը եւ կարեւորածª անոր յաղթահարման համար միջազգային համայնքի ներգրաւուածութիւնը՚, նշուած է գրառման մէջ:
Կողմերը գոհունակութեամբ ընդգծած են հայ-հնդկական երկկողմ յարաբերութիւններու զարգացման ընթացքը եւ քննարկած են շարք մը ոլորտներու մէջ յարաբերութիւնները զարգացնելու հեռանկարները:
