Միացեալ ազգերու կազմակերպութեան Անվտանգութեան խորհուրդին մէջ կը շարունակուին քննարկումները հարաւի մէջ հսկող ԵՈՒՆԻՖԻԼ-ի ուժերու համաձայնագիրի վերանորոգումին շուրջ: Ֆրանսական կողմը, ընդունելով լիբանանեան կողմին պահանջը, կարգ մը փոփոխութիւններ մտցուցած է առաջին օրինագիծին մէջ, որուն դէմ արտայայտուեցաւ Լիբանանի կառավարութիւնը: Բողոքելուն պատճառը այդ ուժերու անկախ գործունէութեան թոյլ տալն էր առանց Լիբանանեան բանակի հսկողութեան:
