Կիրակի, 20 Օգոստոս 2023-ին, ՙԱրարատ՚ օրաթերթի տնօրէնուհի Տիկ. Անի Եփրեմեան այցելութիւն կատարեց Զմմառու վանք եւ շնորհաւորեց վանքի նորընտիր մեծաւորª Զմմառու Պատրիարքական Կղերի Միաբանութեան փոխանորդ Գերպծ. Գէորգ Թ. Ծ. Վրդ. Նորատունկեանը, որ Միաբանութեան 2023-ի ընդհանուր ժողովին ընթացքին հովուական գաւազան, մատանի, լանջախաչ եւ եպիսկոպոսական թագ ստացաւ ձեռամբ Տանն Կիլիկիոյ կաթողիկէ հայոց Ամենապատիւ եւ Գերերջանիկ Տ. Ռաֆայէլ Պետրոս ԻԱ. կաթողիկոս-պատրիարքին:
Այցելութիւնը առիթ էր անդրադառնալու լիբանանահայ գաղութի իրավիճակին, Հայաստանի եւ Արցախի դիմագրաւած մարտահրաւէրներուն:
Տիկ. Եփրեմեան գերապայծառ Նորատունկեանին մաղթեց ամենայն յաջողութիւն եւ բեղմնաւոր գործունէութիւն իր ստանձնած նոր առաքելութեան մէջ:
