Լիբանանի պաշտպանութեան նախարարի պաշտօնակատար Մորիս Սլիմի ինքնաշարժի ետեւի ապակին փշրուեցաւ փամփուշտներ ստանալէ ետք: Նախարարը վնասուածք չստացաւ: Դէպքը տեղի ունեցաւ Ժըսր Պաշա շրջանին մէջ:
Դէպքէն ետք նախարարը յայտարարեց, թէ քննութիւնը ցոյց պիտի տայ եթէ արձակուած փամփուշտները դիտաւորեալ էին, թէ դիպուածի արդիւնք: Ըստ ապահովական աղբիւրի մը, արձակուած փամփուշտը դիպուածի արդիւնք էր եւ յուղարկաւորութեան մը ընթացքին օդ արձակուած փամփուշտ էր:
