Երեւանի մէջ, 15 Յուլիսին, առաջին անգամ տեղի ունեցած է մեղուաբուծութեան համահայկական համաժողովը:
Համաժողովը կազմակերպուած էր ՙՄեղուաբուծութեան դարբնոց՚ գիտակրթական կեդրոնի նախաձեռնութեամբ, ՀՀ Տնտեսութեան նախարարութեան հետ համատեղ` ԱՄՆ միջազգային զարգացման գործակալութեան (USAID) եւ Գիւղատնտեսութեան առեւտուրի եւ գիւղի զարգացման կեդրոն (CARD) հիմնադրամին աջակցութեամբ:
Միջոցառման ընթացքին ՀՀ Տնտեսութեան նախարարութեան Անասնաբուծութեան վարչութեան պետի պաշտօնակատար, ձկնաբուծութեան եւ մեղուաբուծութեան բաժնի պետ Տիգրան Ալեքսանեան ներկայացուցած է մեղուաբուծութեան զարգացման ռազմավարական ծրագիրը: ելոյթներ հնչած են նաեւ Հայաստանի մէջ մեղուաբուծութեան զարգացման նախադրեալներուն ու առկայ խոչընդոտներուն, մեղրի արտահանման ներուժի, հնարաւորութիւններուն եւ վտանգներուն վերաբերեալ:
Մասնակիցները անդրադարձած են նաեւ մեղուաբուծութեան խթանման ուղղուած ծրագիրներուի իրականացման, քաղաքային (ուրբան) մեղուապահութեան, օրկանական մեղուաբուծութեան առանձնայատկութիւններուն, առաւելութիւններուն եւ առկայ մարտահրաւէրներուն, ինչպէս նաեւ ոլորտին առնչուող շարք մը այլ հարցերու:
